Reflexións sobre o uso da linguaxe inclusiva nos traballos académicos do estudantado universitario

Abstract

O profesorado universitario, especialmente aquel que actúa nas facultades de Ciencias da Educación, polo seu papel formador e como referente social, é clave e exemplo en canto á actuación no emprego da linguaxe. De nada serven as disertacións que alentan á inclusión se o vocabulario, prácticas e expresións que usamos para isto son sexistas. Ante esta preocupación, propóñome analizar o uso da linguaxe inclusiva nos traballos académicos dun grupo de estudantes de universidade para descubrir como é a repercusión no uso desta tralo manexo por parte do alumnado das rúbricas que usa o profesorado para avaliar. Desta análise, sobresae o uso do masculino xenérico, en harmonía coa tendencia da escrita da maioría da literatura da que dispomos e das regras que rexen a sociedade na que nos enmarcamos. Suscítase tamén a importancia que o alumnado universitario outorga ao uso da linguaxe inclusiva, que semella ser bastante modesto. Neste caso concreto, aínda a sabendas de que o uso da linguaxe inclusiva é un criterio avaliable de cara ás cualificacións das prácticas de aula, e logo de coñecer e usar a rúbrica que se usa para cualificar, as producións académicas non parecen mellorar notablemente no uso da linguaxe inclusiva.