Razoamento pragmático

Abstract

A habilidade para razoar é fundamental na nosa vida cotiá. Moitos dos xuízos que emitimos e das decisións que tomamos dependen da nosa capacidade para elaborar inferencias. Estas habilidades inferenciais non son exclusivas da investigación científi ca ou do ámbito de determinados profesionais. Todas as persoas derivamos conclusións a partir da información da que dispoñemos. Cando a partir de certa información de acontecementos previos ou de determinados supostos chegamos a nova información, estamos a elaborar unha inferencia. A psicoloxía do razoamento centra o seu interese en estudar os procesos de razoamento. Nesta unidade didáctica, centrarémonos nas alternativas teóricas que, dunha ou doutra maneira, contemplan a importancia de factores pragmáticos no razoamento humano.