As posiblidades da formación en voz cantada na resolución de conflitos e na mediación escolar

Abstract

O canto colectivo, por ser unha expresión artística na que se traballa en grupo, implica en certa forma un xeito de compartir e de negociar. Sostense a afirmación de que a través do canto pódese traballar a prevención en resolución de conflitos, e incluso a mediación, no espazo escolar. Ofrécense pautas sobre como traballar transversalmente a mediación e a resolución de conflitos no ámbito escolar a través da arte en xeral e do canto en grupo en particular, aludindo a experiencias que o proban. Introdúcese o concepto de cantoterapia e explícanse as súas características máis xerais para centrarse nas particulares da cantoterapia activa, é dicir, na cal se fai música (cántase), e en definitiva, na que se crea, a cal ocupa a maior importancia na presente comunicación. Para crear algo en grupo necesitamos tomar decisións, algo básico para a resolución de conflitos e a mediación e por iso crese que o canto colectivo podería axudar neste aspecto