Un novo glosario do Cancioneiro da Ajuda. A microestrutura das entradas verbais

Abstract

Na presente contribución preséntase a configuración da microestrutura dos verbos empregada na confección dun novo glosario do Cancioneiro da Ajuda. O texto de partida é unha nova edición –interpretativa e aínda inédita– do cancioneiro realizada por Mariña Arbor. A preparación dos materiais realizouse nun marco que transcende, amplamente, o propio glosario. No seu horizonte están o Dicionario Histórico Galego, o Dicionario do Galego Medieval e a Gramática Histórica da Lingua Galega. Na cerna da microestrutura están as informacións lingüísticas, distribuídas nos apartados semántico, morfolóxico, sintáctico e fraseolóxico. Por se tratar dunha obra en verso, compleméntanse os datos precedentes cunhas pinceladas de proxección literaria (inventario dos usos das palabras en incipit de cantiga e en posición de rima).