Elección con incerteza

Abstract

Esta unidade didáctica forma parte do curso de Microeconomía Intermedia. A impartición desta unidade ten lugar unha vez que os alumnos teñen comprendido as ferramentas básicas da teoría da elección. O obxectivo da unidade é introducir os elementos básicos da teoría que explica a toma de decisións de consumo e seguro en condicións de incerteza. Esta tarefa é ardua e complexa posto que a comprensión dos instrumentos de análise require dunha certa capacidade de abstracción e dunha certa soltura no manexo de técnicas matemáticas. É por iso moi importante que o estudante se sinta moi motivado polo feito económico obxecto de estudo. Quizais, a mellor motivación sexa poñelo en contacto cos feitos reais para ensinarlle deste xeito a reflexionar sobre os mesmos e a extraer conclusións acerca das causas que explican o seu funcionamento.