“Os do monte”: movemento antifranquista galego

Abstract

A resistencia armada en Galicia ó franquismo, ó contrario do que a memoria política e social garda, tivo unha grande importancia: foi a primeira resistencia organizada en España e mantívose no tempo. O estudo da guerrilla que chega ó público xeral ten sido parcial e moi personalizada en figuras relevantes. Neste traballo téntase ofrecer un enfoque xenérico, sen agarrarse ós nomes e cunha perspectiva que ten presente que a loita contra o franquismo está na base da consecución da democracia en España, facendo fincapé non só nos guerrilleiros “sen nome” e nos seus enlaces, senón que tentamos por o acento no papel das mulleres na resistencia, porque teñen sido a columna vertebral da mesma, pero son as súas grandes esquecidas.