Mantemento e transmisión da lingua galega: unha achega ás familias da área de Compostela

Abstract

O meu Traballo de Fin de Grao tentará abordar o estudo dos procesos de mantemento e transmisión da lingua galega nas familias da área da Compostela. Esta zona, destacada pola súa heteroxeneidade, non só a nivel lingüístico, senón tamén social e territorial, é de moito interese para o campo da sociolingüística, sendo ademais unha das áreas galegas máis extensas e poboadas. Para o seu estudo, empregaranse datos de pesquisas realizadas polo Instituto Galego de Estatística (IGE), de índole cuantitativa e relativos ao coñecemento e uso do galego. Asimesmo, farase uso da información recollida nos traballos da materia de Sociolingüística desde o ano 2005, co estudo de casos de familias de todo o territorio galego e relativos á transmisión e mantemento lingüístico ao longo de tres xeracións. O Traballo de Fin de Grao analizará os modelos de familias en función dos procesos de mantemento e cambio de lingua, tentando poñelos en relación con variables de tipo social, como son o hábitat e o estatus, e a evolución destas súas variables en distintos membros da unidade familiar ao longo das súas respectivas traxectorias biográficas.