Argumentación sobre cambio climático en alumnado de 1º de bacharelato

Abstract

Nesta comunicación preséntase unha investigación desenvolvida nunha clase de Climántica, nunha materia de libre configuración de centro impartida en primeiro de Bacharelato. Esta ma- teria deseñouse en base a catro grandes bloques de contidos tirados dos libros publicados no apartado Biblioteca de www.climantica.org e no material didáctico sobre o cambio global nos ecosistemas mariños publicado en www.educo2cean.org. Os catro bloques de contidos son: 1) Evidencias causas e consecuencias do cambio climático 2) Enerxía e cambio climático 3) Auga e cambio climático 4) Cambio global nos ecosistemas mariños. A investigación centrouse nunha análise do discurso e da argumentación dun grupo de clase sobre nove cuestións, relativas aos catro bloques, nun contexto de coloquio dirixido polo docente. A investigación deseñouse co obxectivo de analizar as dificultades de comprensión dos estudantes sobre o cambio climático a través da análise do discurso e da argumentación e comparar cos resultados de investigación previas (ver p.e. García-Rodeja y Lima, 2012; Liu y Roehrig, 2017; McNeill y Pimentel, 2010, Varela et al. 2018).