Xuízas e testemuñas. O papel da creación literaria nos procesos de construcción da identidade

Abstract

Este artigo proponse explorar as repercusións da aliaxe entre a actividade crítica e literaria na recente produción poética das mulleres en Galicia. Para iso, pártese da hipótese de que en sociedades como a galega a construción das identidades nacional e de xénero precisou a conivencia das dúas dimensións, moi a miúdo anoadas nas mesmas axentes. Dende Rosalía de Castro até Chus Pato é posíbel verificar múltiples graos de participación das escritoras na esfera crítica e mediática. A manifestación desta dobre condición de “testemuñas e xuízas” na produción escrita das poetas implica a miúdo a emerxencia na súa obra de dispositivos textuais de resistencia ou oposición aos lugares críticos nos que foron situadas. Decote ignorada ou minimizada na interpretación da súa poesía, esta aliaxe entre crítica e creación ten consecuencias poéticas e políticas que cómpre explorar máis polo miúdo.