O ensino do galego mediante tarefas: deseño dunha unidade didáctica

Abstract

O obxectivo principal deste traballo é elaborar unha unidade didáctica no marco do "ensino comunicativo mediante tarefas". Este é un modelo didáctico que fomenta a competencia comunicativa dos aprendentes e utiliza as tarefas como elementos articulatorios das unidades. A tarefa pode definirse de modo xeral, como un exercicio de aula no que os aprendentes poñen en práctica a comunicación. estas unidades didácticas están compostas por unha tarefa final e unha serie de tarefas posibilitadoras ou previas. Para a elaboración deste traballo, farase primeiro unha presentación da historia e metodoloxía do "ensino comunicativo da lingua mediante tarefas". Logo, centrándonos xa no ensino do galego, pasarase xa ao diseño da unidade en cuestión, atendendo á estructura habitual nesta metodoloxía (elección da tarefa final, obxectivos da aprendizaxe, especificación de contidos, selección das tarefas posibilitadoras, planificación e avaliación). A unidade didáctica situarase nun dos niveis establecidos no documento "Niveis de competencia en lingua galega" (Xunta de Galicia, 2006), unha adaptación ao galego do "Marco Común Europeo de Referencia para as linguas". Por último tratarase de xustificar o material deseñado tendo en conta as características do ensino mediante tarefas espostas ao comenzo