Peripecia (parcial) do “Chamamento” de Novoneyra

Abstract

O autor fai unha prospección acerca das “peripecias” do poema de Uxío Novoneyra titulado xenericamente “O Chamamento”, do que apareceron varias versións, todas diferentes, até o punto de non se saber con certeza cal puido ser a orixinaria, feito este que leva a Anxo Tarrío Varela a propoñer como texto máis autorizado para unha posíbel edición crítica o orixinal mecanografado, do que se ofrece unha reprodución fotografada seguida da correspondente transcrición, que conserva nos seus arquivos a familia García- Sabell Tormo, a cuxo pé deixou escrito o poeta de propia man que se trata da “versión definitiva do Chamamento”.