Análise das cadeas globais de valor no sector textil : estudo dos seus impactos ambientais

Abstract

No presente traballo, realízase unha dobre aproximación teórica aos conceptos e implicacións das Cadeas Globais de Valor (CGV) e da economía circular (EC). Incluíndo unha análise empírica que integra esa dobre perspectiva. En primeiro lugar, analízase o concepto de CGV, vantaxes e desvantaxes. Ademais de presentar como funciona a súa estrutura en termos de gobernanza e upgrading. En segundo lugar, apórtase unha descrición teórica da EC, así como os seus principios e implicacións dentro do sector téxtil. En terceiro lugar, lévase a cabo unha análise empírica na que conflúen ambas temáticas. Por un lado, ponse en coñecemento a maneira de actuar predominante das principais economías do sector dentro da CGV e, por outro lado, analizase a dinámica en torno as emisións de dióxido de carbono (C02) presentes no comercio en valor engadido, usando como punto de referencia a Unión Europea (UE-28). En xeral, pódese concluír que existe un comportamento claro entre os países produtores e os países compradores deste sector, algo que afecta de maneira evidente as emisións de C02 que se realizan, tanto desde unha perspectiva de oferta como de demanda.