Consello de Administración. Presenza feminina nas empresas do sector do petróleo e enerxía do Ibex35

Abstract

O obxectivo fundamental deste traballo é analizar a presenza da muller nos consellos de administración (en adiante CA) das empresas do sector do petróleo e a enerxía do IBEX35. Para realizar o estudo utilizouse como fonte de información os informes anuais de goberno corporativo (en adiante IAGC) que deben presentar cada exercicio as propias empresas. En termos xerais, os resultados acadados indican que existe unha ampla variabilidade nas empresas deste sector en canto á participación feminina nos CA. Aínda que ningunha das empresas acada a paridade en termos de xénero, Red Eléctrica e Iberdola sitúanse mais preto dela e superan a día de hoxe o obxectivo do 30% de mulleres no CA fixado polo Código de Bo Goberno Corporativo (en adiante CBG) para o ano 2020. No extremo oposto, Repsol e Endesa están moi lonxe de acadar este limiar. A pesares de que existe normativa que avoga pola paridade nos CA, esta non ten carácter obrigatorio. Xa que logo, nas altas esferas dalgunhas empresas continúa existindo unha brecha significativa en materia de igualdade de xénero.