Unha nova ollada á represión franquista en Galicia: motivacións e extracción social dos represores. O caso de Arzúa

Abstract

O obxectivo deste traballo é realizar unha aproximación novidosa ó estudo da represión franquista en Galicia. Trátase de pescudar nas posibles motivacións que subxaceron trala implicación de persoas individuais e de certos sectores sociais nas diferentes formas ou modalidades represivas. Poñerase en relación a implicación na represión e, bastante máis en xeral, o apoio ó golpe de Estado do 18 de xullo de 1936 en Arzúa (A Coruña) con diferentes factores, como: a defensa dunha determinada forma de entender a realidade (cosmovisión), dunha “Vella Orde” (social, política, cultural...); a pertenza a unhas redes –particulares e ben asentadas– de relacións sociais (familiares, clientelares, de amizade...) ou as posibilidades de mellora social que para algúns individuos e as súas familias ofreceu a nova conxuntura política na fase de protoinstitucionalización da dictadura franquista.