Medidas de frecuencia en epidemioloxía

Abstract

A presente Unidade Didáctica vai dirixida aos alumnos do terceiro ano da Licenciatura de Medicina, da disciplina “Epidemioloxía xeral e Demografía sanitaria”. Con ela preténdese contribuír á aprendizaxe máis autónoma do alumnado, de xeito que lles sirva de guía dun dos temas do programa, quizais un dos máis importantes, que supón a introdución ás ferramentas de medida dos fenómenos epidemiolóxicos estudados en Epidemioloxía, Saúde Pública e nas Ciencias da Saúde en xeral: as vulgarmente chamadas “taxas”, termo que adoita englobar varios destes instrumentos cuxa utilización non sempre é a máis acaída, adoitando confundilas e intercambialas de xeito incorrecto. A definición dos diferentes conceptos, a súa formulación matemática –aspecto frecuentemente máis complicado para persoas esquecidas dos rudimentos matemáticos mais sinxelos– e a aplicación de cada un dos índices de medida para resolvermos exercicios apropiados a cada un deles constituirán os contidos desta unidade.