Coordenadas astronómicas. Medida do tempo

Abstract

Esta unidade didáctica complementa a anterior (Unidade IV)referida á esfera celeste e é fundamental para saber posicionar os astros nela. Ademais está estreitamente relacionada coa seguinte (Unidade VI) onde se describe a instrumentaci on óptica específica que se usa na Astronomía, xa que é precisamente nesta Unidade V onde se establecen as bases teóricas dos sistemas de referencia que dan lugar aos diferentes tipos de montura. O alumnado desta titulación de Grao en Óptica e Optometría, que para o futuro exercicio da súa profesión debe ter coñecementos sobre telescopios e prismáticos, aínda que só sexa a nivel elemental, aprenderá aquí os fundamentos destes aparatos tanto no que se refire a seus principios astronómicos como a seu manexo e posta en práctica.