Activos de renda fixa

Abstract

Esta unidade didáctica forma parte do curso de Análise Económica dos Mercados Financeiros I que se imparte no primeiro cuadrimestre do Máster en Economía: Organización Industrial e Mercados Financeiros. Esta unidade introduce a valoración dos activos de renda fixa e as variacións que experimenta esa valoración ao longo do tempo como consecuencia dos cambios no tipo de xuro. Así, introdúcese o concepto de ricos de activos de renda fixa e a problemática asociada á súa xestión por medio dos conceptos de duración e convexidade que son examinados desde o punto de vista da súa aplicabilidade práctica, tendo en contas as vantaxes e limitacións. Así mesmo, tamén se introduce ao alumno o concepto de inmunización e a súa utilización na xestión de risco de carteiras de activos de renda fixa. A comprensión da temática desta unidade didáctica require dun grao de abstracción relativamente elevado e dunha comprensión do cálculo financeiro e da estrutura temporal dos tipos de xuro. Para facilitar a tarefa de aprendizaxe, ao longo da unidade utilízanse unha serie de exemplos numéricos sinxelos que teñen como obxectivo motivar e facilitar ao estudante o acceso á problemática da valoración con activos de renda fixa e a determinación e xestión de riscos asociada a este tipo de activos.