As medidas de hixiene vocal dentro dun obradoiro de voz cantada cun grupo de adultos con discapacidade intelectual

Abstract

Na presente comunicación exponse a experiencia dun obradoiro sobre voz cantada levado a cabo na Fundación Down Compostela en 2012 cun grupo de adultos con discapacidade intelectual. O obxectivo deste obradoiro perseguía descubrir as reaccións deste colectivo, cuxas características foron estudadas previamente, para saber como planear un programa máis completo e duradeiro sobre voz cantada, na inquedanza de mellorar a súa linguaxe, a súa participación, a súa sociabilidade... en definitiva, os seus procesos de inclusión. En primeiro lugar explícanse as características deste grupo, os obxectivos da proposta en voz cantada e o desenvolvemento das sesións. En segundo lugar, entrámonos nun dos contidos do obradoiro, o máis teórico: as medidas de hixiene vocal. Especifícase o traballo deste contido: os recursos utilizados, a metodoloxía empregada, o quefacer da explicación teórica, a comprensión, asunción e consolidación das aprendizaxes e a súa avaliación. E en terceiro lugar, inclúense ademais unhas propostas de mellora de cara a posibles futuros obradoiros ou programas completos para con este colectivo