Figuras da emigración en "Cantares Gallegos" de Rosalía de Castro : achega para unha catalogación e caracterización intratextual

Abstract

Este traballo pretende realizar unha catalogación e caracterización intratextual das figuras da emigración recollidas no libro de Rosalía de Castro Cantares gallegos centrándome en tres poemas fundamentais da súa poética migratoria: “Adios ríos, adios fontes”, “Airiños, airiños aires” e “Castellanos de Castilla”. Estes tres poemas poderían ser como os tres actos dun drama social e sentimental, o da emigración galega: “Adios rios, adios fontes” como primeiro acto onde se formularía a presentación dos personaxes (o que emigra, o que queda) e do espazo (o de orixe e o de destino). “Airiños, airiños aires” representaría o segundo acto, e nel produciríase o nó (conflicto, deterioro físico e psíquico...). “Castellanos de Castilla” suporía o terceiro acto e nel produciríase o desenlace (morte do emigrante, ou retorno sen máis cambio que o de ir a peor ocasionado polo maltrato)