Posturas fronte á doutrina cristiá na obra de Páladas de Alexandría

Abstract

O traballo pretende un estudo da obra poética de Páladas de Alexendría co obxectivo de coñecer, por medio dos seus escritos, as actitudes que amosaba perante ao cristianismo e a súa presenza no ámbito alexandrino do Imperio Tardío. El, o epigramista máis produtivo da Antoloxía Palatina, foi testemuña e partícipe das tensións sociais, relixiosas e políticas da Alexandría do século IV e así o reficten bastantes dos seus versos. Mediante a lectura crítica do conxunto dos epigramas, contidos na súa maioría nos libros IX e XI da AP, con maior detención naqueles que recollen mencións máis ou menos directas á realidade cristiá e a través da revisión da literatura producida en torno a este tema, intentarase ofrecer unha visión xeral sobre as principais propostas feitas ao respecto. A natureza sincrética da súa contorna histórica e xeográfica convirte a atestación de Páladas nunha interesante achega á hora de debuxar a paisaxe da confluencia entre cristiáns e xentís, sempre desde certa ambigüidade pasada por un xirgo de sátira, pesimismo e resignación. Sexa como for, tentaráse que fique o maís clara posible a postura do autor neste contexto. Tendo en conta a falta de datos biográficos alleos a súa propia produción e a ausencia duna edición crítica do conxunto do corpus, o repaso da bibliografía atenderá á súa dispoñibilidade antes que á súa novidade.