Un exemplo de protohipertextualidade: Terminal de Xelís de Toro

Abstract

Despois de nomear algúns exemplos da chamada protohipertextualidade e de considerar interesante a comparación entre certo tipo de literatura impresa e a hipertextualidade, analízase a novela Terminal (1994), de Xelís de Toro, co obxectivo de ilustrar a converxencia entre literatura e hipertexto. Repásanse brevemente a biografía e a obra de Xelís de Toro para, a seguir, dar conta do argumento de Terminal e destacar o carácter híbrido desta novela e o indispensábel papel activo do lector á hora de enfrontarse a ela. Iria Castro López comenta os xogos que nesta obra se estabelecen coa propia autoridade do autor compostelán, así como a espacialidade e temporalidade. Tamén se detén nas imaxes e fotografías que no texto se introducen, na súa funcionalidade e na complementariedade que se estabelece entre texto e imaxe .