Vellas son as cousas. Folklore, mitoloxía e antropoloxía da xente maior na Galiza e arredores

Abstract

Con este artigo preténdese un achegamento xeral á reflexión tradicional sobre a vellez na cultura rural galega, empregando coma contraste diversas testemuñas de áreas próximas a Galicia e de cultura semellante (Asturias, Portugal), así como algunhas breves citas tomadas da remota antigüidade. A continuación, faise fincapé en tres temas: o motivo folklórico do abandono dos vellos, a suposta existencia dunha “vella” mitolóxica e a perspectiva científica e académica sobre a “morte” inminente da cultura tradicional galega.