Apuntamentos para un estudo da historia da violencia entre as clases traballadoras da Galicia urbana (1890-1936)

Abstract

A violencia como conceito culturalmente construido é obxecto de análise no presente artigo, en particular, canto a relación existente entre a violencia política e os movementos sociais, a partir do caso de estudio histórico do movemento obreiro en Galicia. Un movemento social creador dun novo repertorio de acción colectiva que tivo que competir coa existencia de repertorios pretéritos baseados na protesta comunitaria e, ao tempo, coa acción represiva do Estado e doutros contramovementos, mediatizados pola construcción de significados políticos por parte da prensa. Na normalización destas formas de levar a cabo a protesta política, contíñase unha loita polo dereito de cidadanía a protestar (“o dereito a reclamar dereitos”): un combate por acadar ou tirar lexitimidades na utilización da violencia como recurso contencioso.