Comprometámonos co Pasatempo: unha proposta de Aprendizaxe-Servizo dende o ámbito educativo

Abstract

A metodoloxía de Aprendizaxe-Servizo (ApS) ou Service Learning conta cunha longa traxectoria que a avala como un dos métodos máis eficaces do ámbito educativo, pois con ela o alumnado aprende facendo un servizo. Ademais dos múltiples beneficias que achega ao alumnado e ao ensino, esta ferramenta comporta un impacto positivo dende o punto de vista social, pois a finalidade desta é transformar as necesidades existentes na contorna. Tendo en conta esta posibilidade, no seguinte artigo presentamos un proxecto dende o ámbito educativo centrado no Parque do Pasatempo, co obxectivo de ofrecermos unha alternativa que implique a toda a sociedade no coñecemento e posterior reivindicación para a recuperación deste tesouro do noso patrimonio material.