Árbores e formacións senlleiras en Galicia (NW España)

Abstract

[GAL] Coa recente actualización do Catálogo Galego de Árbores e Formacións Senlleiras son 147 árbores e 31 formacións as que integran dito catálogo. Posiblemente sexan as mellores representacións de cada especie a nivel galego. Diversos estudos foron revisados durante o proceso de catalogación, ademais de levar a cabo un intenso traballo de campo, no marco dun convenio de colaboración entre a Universidade de Santiago de Compostela e a Consellería de Medio Ambiente e Desenvolvemento Sostible da Xunta de Galicia, para localizar, estudar e medir os exemplares que foron propostos para a súa inclusión no catálogo oficial por distintas persoas e institucións, o quenos obrigou a recorrer gran parte do territorio galego en busca das nosas mellores representacións arbóreas. Son moitos os elementos estudados que quedaron fóra do catálogo para non facelo demasiado grande, seguramente algúns entrarán a formar parte do mesmo en futuras actualizacións, pois trátase dun catálogo aberto do que caerán exemplares, se morren ou se deterioran, e entrarán outros. Os estudos realizados neste tempo amosan que en Galicia existen centos de exemplares que serán merecedores de entrar no catálogo en próximas revisións.