Os materiais didácticos e as estratexias educativas para atender a diversidade. Análise da percepción do profesorado especialista en música na Educación Primaria

Abstract

Esta investigación analiza a percepción dos docentes especialistas en Educación Musical en Galicia sobre os materiais didácticos e estratexias educativas para atender á diversidade en Educación Primaria. Emprega un deseño metodolóxico mixto, con cuestionario e entrevista estruturada como técnicas de recollida de datos. O estudo mostra que o profesorado recoñece a importancia da educación inclusiva, pero enfrontan desafíos, como a falta de formación no uso de materiais e estratexias para atender á diversidade. Hai discrepancias sobre o uso de materiais e a viabilidade de introducir estratexias inclusivas na educación musical, sinalando a necesidade dunha formación máis específica neste ámbito.