Un horizonte para o desenvolvemento rural: a xestión compartida dos recursos comunitarios

Abstract

Nesta reflexión abórdase a situación do rural galego dende unha perspectiva crítica que pretende visibilizar as principais problemáticas existentes. É por iso que semella fundamental centrarse nos trocos acaecidos nas derradeiras décadas que veñen marcados por unha perda de poboación e unha disminución da agricultura destinada ao autoconsumo. Fronte a esa situación e partindo dun enfoque que prioriza o encontro, a xestión dos recursos comunitarios adquire novos significados constituíndo un factor clave no desenvolvemento local pola revalorización e os novos usos que se lles dan, posibilitando unha coxestión veciñal que se constitúa no alicerce da mellora de calidade de vida dos contextos rurais.