Proposta de análise dialectométrica da prosodia galega [Póster]

Abstract

Na última década fíxose un importante esforzo para describir a entoación do galego e a súa variación dialectal. Esta descrición, fundamentalmente acústica, realizouse a partir dun corpus recollido en 15 puntos de enquisa repartidos ao longo de todo o territorio galego. A partir deste estudo diatópico, xorde a pregunta de se é posible delimitar as áreas prosódicas dialectais do galego. Para responder esta cuestión, levouse a cabo unha análise dialectométrica para medir as distancias entre as distintas variedades e un estudo perceptivo para medir a distancia que os falantes perciben entre as distintas entoacións dialectais. Neste traballo preséntanse os resultados da análise dialectométrica.