A literatura contra o silencio. Suso de Toro

Abstract

Se a literatura española tratou o tema da Guerra Civil dende os anos corenta, foi só a partir de mediados dos anos noventa cando entrou tamén o da memoria histórica nas narrativas españolas. A aprobación da Lei de Memoria Histórica en decembro de 2007 foi precedida en toda a sociedade española por discusións acaloradas entre os defensores do rescate da memoria e os seus opositores, argumentando estes que a iniciativa abriría vellas feridas. Despois de esbozar os aspectos esenciais da situación actual, analízase nesta contribución a última novela de Suso de Toro. Móstrase como o escritor galego, tamén coñecido polos seus escritos ensaísticos e as súas posicións políticas, intenta rematar en Home sen nome co esquecemento que caracterizou a política oficial española até fai pouco.