Análise socioeconómica da Comarca de Terra Cha

Abstract

Este capítulo estudia o sistema económico e produtivo que presentaba o conxunto da Comarca de Terra Cha a principios do ano 1994, constituíndo a primeira parte do libro publicado sobre a Comarca de Terra Cha e o seu Plan de Desenvolvemento Comarcal, impulsado pola Presidencia da Xunta de Galicia a través do seu Gabinete de Planificación e Desenvolvemento Territorial. Despois de comentar o grao de integración funcional da comarca, faise unha presentación xeral do encadramento territorial e dos elementos físicos máis representativos que caracterizan o conxunto xeográfico comarcal. A continuación, lévase a cabo unha análise en profundidade dos recursos humanos, do sistema produtivo local e do hábitat e da calidade de vida da poboación que vive no territorio comarcal, coa finalidade de coñecer en detalle os déficits infrestructurais máis relevantes e as vantaxes comparativas propias desta comarca. O estudio remata cunha síntese funcional do espazo comarcal e facendo un conxunto de recomendacións específicas sobre o modelo de desenvolvemento socioeconómico máis axeitado para esta comarca lucense