Introdución á química de coordinación

Abstract

Esta unidade didáctica pecha un conxunto de temas destinados a conceptos básicos da materia, encadrados no Bloque I, e abórdase despois de estudar algunhas xeneralidades dos metais de transición e de ver cales son os métodos de beneficio dos metais a escala industrial. Nesta unidade iníciase o estudo da química de coordinación, que é unha parte fundamental da química dos metais de transición. Deste xeito, en todos os temas seguintes do programa do curso farase uso dos coñecementos aprendidos nesta unidade. Ademais, debemos sinalar que moitos procesos industriais e analíticos utilizan compostos de coordinación. Así, estes teñen grande interese en moi diversas áreas, entre as cales se pode destacar a modo de exemplo a medicina, dado que moitos tratamentos anticanceríxenos son en realidade terapias con compostos de coordinación. En canto á temporización desta unidade didáctica, está deseñada para ser desenvolvida nunhas 12-13 horas.