EC/010-Vol.10, Núm. 1 (2001)

Permanent URI for this collectionhttps://hdl.handle.net/10347/18908

Browse

Now showing 1 - 20 of 24

¿Quién se ha llevado mi Queso?. Spencer Johnson. Barcelona: Urano. (Col. Empresa Activa). 24ª ed. 2001 [106 páxinas]
(Universidade de Santiago de Compostela, 2001) García Añón, María; Universidade de Santiago de Compostela. Departamento de Ciencia Política e Socioloxía
Gasto público autonómico. Conferencias de las jornadas celebradas en la EGAP los días 14 y 15 de enero de 1999. Luis Caramés Viéitez [dir.]. Santiago de Compostela: Escola Galega de Administración Pública. 2000 [827 páxinas]
(Universidade de Santiago de Compostela, 2001) Martínez Rodríguez, Susana; Fernández Méndez, Andrés; Universidade de Santiago de Compostela. Departamento de Economía Aplicada
La política de incentivos en Galicia: entre el posibilismo de la teoría y las paradojas de los beneficiarios. Luis Caramés Viéitez. A Coruña: Instituto de Estudios Económicos de Galicia. 2000 [158 páxinas]
(Universidade de Santiago de Compostela, 2001) Martínez Rodríguez, Susana; Fernández Méndez, Andrés; Universidade de Santiago de Compostela. Departamento de Economía Aplicada
As relacións banca-industria en Galicia. Ramón Yáñez Brage. Santiago de Compostela: Laiovento. 2000 [268 páxinas]
(Universidade de Santiago de Compostela, 2001) Rodil Marzábal, Óscar; Universidade de Santiago de Compostela. Departamento de Economía Aplicada
Nuevas estrategias para el análisis financiero en la empresa. Anna María Gil Lafuente. Barcelona: Ariel. 2001 [480 páxinas]
(Universidade de Santiago de Compostela, 2001) Romero Castro, Noelia María; Universidade de Santiago de Compostela. Departamento de Economía Financeira e Contabilidade
Análisis y cálculo de las operaciones financieras. Santiago Ximénez Rodríguez, Sara Fernández López, Luis A. Otero González, Juan Piñeiro Chousa, Inés Lalinde Roura. Santiago de Compostela: Tórculo. 2000 [269 páxinas]
(Universidade de Santiago de Compostela, 2001) Romero Castro, Noelia María; Universidade de Santiago de Compostela. Departamento de Economía Financeira e Contabilidade
Unha tipoloxía das empresas da madeira en Galicia segundo os seus obxectivos e estratexias tanto en mercados nacionais coma exteriores
(Universidade de Santiago de Compostela, 2001) Verdugo Matés, María Victoria; Cal Bouzada, María Isabel; Fernández-Jardón Fernández, Carlos María
O obxectivo deste traballo é obter unha tipoloxía das empresas do sector da madeira en Galicia, a partir das diferentes estratexias e obxectivos empresariais, mediante métodos multivariantes
O cooperativismo como fórmula empresarial de futuro para canaliza-lo espíritu emprendedor colectivo
(Universidade de Santiago de Compostela, 2001) Vargas Sánchez, Alfonso
É un feito que as formas empresariais de economía social, coa empresa cooperativa como principal expoñente, veñen desempeñando un papel cada vez máis activo e destacado na sociedade contemporánea, na que o fomento da capacidade emprendedora se converteu nunha das prioridades das políticas de emprego. Tanto é así que hai quen chegou a cualifica-la creación de empresas como a oitava arte. Na actualidade, o empresario identifícase coa figura do emprendedor, que cando é colectivo atopa na cooperativa unha fórmula cuns perfís idiosincrásicos que sintonizan con determinados valores imperantes na nosa sociedade. A empresa non pode ser allea ó que a sociedade da que forma parte sente, desexa, espera; pola contra, debe interiorizar eses valores e acomoda-- lo seu comportamento a eles para darlles ós seus stakeholders xusto o que estes demandan. A cultura do cooperativismo, enchoupada de democracia, de solidariedade, etc., ofrécenos precisamente iso, sen que se contrapoña á eficiencia na xestión empresarial, que fai posible a súa supervivencia e desenvolvemento
O mercado de crédito hipotecario na Unión Europea
(Universidade de Santiago de Compostela, 2001) Redondo López, José Antonio; López Penabad, Celia; Universidade de Santiago de Compostela. Departamento de Economía Financeira e Contabilidade
Neste traballo describímo-los mercados de crédito hipotecario nos distintos países da Unión Europea. Para iso analizámo-los principais factores que dan lugar á ampla variedade de mercados hipotecarios existentes en Europa. En primeiro lugar referímonos á importancia do mercado de crédito hipotecario en cada economía así como á súa vinculación coa estructura de propiedade desenvolvida por cada país. A continuación detémonos nas principais diferencias entre os mercados hipotecarios europeos, institucións, medios de financiamento e productos financeiros. Concluímos cunha serie de reflexións sobre o impacto potencial neste mercado de determinados factores de cambio.
Formas de cooperación e as súas implicacións contables nun contexto internacional: unha referencia á peme galega
(Universidade de Santiago de Compostela, 2001) Ramos Stolle, Asunción; Diéguez Fernández, Ricardo; Rivero Fernández, Dolores; Gallego Rodríguez, Elena
Este traballo presenta os resultados dun estudio realizado entre unha mostra de pemes, situadas na rexión galega, que manteñen relacións comerciais co Mercosur, dirixido a coñece- la estructura dos seus acordos de cooperación con empresas locais coa intención de consolidar e estabiliza-la súa presencia neste importante mercado. Concretamente, a análise estendeuse sobre a súa actividade exportadora, primeiro paso para a adoptar unha estratexia compartida no exterior, sobre os factores que condicionan a activación do acordo, así como sobre os aspectos contables inherentes á actividade económica compartida. Os resultados mostran a importancia que lle outorgan estas empresas ó factor confianza como condicionante da súa decisión de establecerse no exterior e o escaso nivel de información financeira que subministran en relación co seu investimento na coparticipación
As vantaxes do efecto made in: unha aplicación ó granito galego
(Universidade de Santiago de Compostela, 2001) Martínez Senra, Ana Isabel; García Rodríguez, María José
O mercado ó que se dirixen as empresas ten unha dimensión cada vez máis internacional, polo que a demanda de productos procede de consumidores pertencentes a países moi distintos. Diversos estudios realizados demostraron que un dos factores que pode incidir sobre a decisión de compra dun producto é o seu lugar de procedencia, debido a que o consumidor mostra unhas actitudes diferentes en función do país no que foi fabricado, fenómeno que se denomina efecto made in. Consideramos que esta circunstancia ha ser aproveitada polas empresas sempre e cando a imaxe dos seus productos poida verse beneficiada polo made in. Este é o caso do granito, obxecto de estudio neste artigo, xa que se trata dun producto xenérico para o que o país de orixe desenvolve un papel importante na súa identificación
Empresas e servicios públicos a creación dunha infraestructura de transporte urbano, A Coruña 1876-1925
(Universidade de Santiago de Compostela, 2001) Martínez López, Alberte; Piñeiro Sánchez, Carlos
O obxecto da investigación é efectuar unha aproximación ó proceso de xestación do transporte público na principal cidade galega, A Coruña, dende os proxectos previos de finais do século XIX ata alcanza-la consecución da rede básica a mediados dos anos vinte. A incapacidade xestora e financeira do Concello coruñés, trazo xeneralizado nas entidades locais da época, levará á concesión privada deste servicio. Pero tamén o capital privado terá dificultades para implantalo, debido ó retraemento dos investidores ante as expectativas pouco claras de rendibilidade. A cesión temporal a un holding belga tampouco solucionará a precaria situación da empresa, que se resolverá coa asunción do negocio por parte do capital bancario local e coa adopción dunha política expansiva que, nun contexto económico máis favorable, logrará en poucos anos o cambio de tracción, completa-la rede urbana e crear unha importante liña suburbana, aínda que todo iso cun certo atraso con respecto ó conxunto de cidades españolas
As eleccións sindicais na ensinanza pública non universitaria en Galicia (1987-1998)
(Universidade de Santiago de Compostela, 2001) Lago Peñas, Pedro; Lago Peñas, Ignacio
Neste artigo analizámo-la evolución do sistema de representación sindical na ensinanza pública non universitaria de Galicia desde 1987 ata 1998. A partir da aplicación da metodoloxía deseñada para os sistemas de partidos, estúdiase con datos agregados a dinámica da competición electoral e examínanse as principais dimensións do sistema de representación sindical: fragmentación, competitividade, concentración e volatilidade
Especialización tecnolóxica nos países da OCDE: patróns e tendencias
(Universidade de Santiago de Compostela, 2001) Guntín Araújo, Xulia; Universidade de Santiago de Compostela. Departamento de Economía Cuantitativa
Tanto nas propostas teóricas xurdidas desde o marco analítico neoclásico, como naquelas emanadas desde enfoques máis heterodoxos, o factor tecnolóxico e os perfís de especialización tecnolóxica aparecen como elementos clave na determinación do comportamento comercial e da competitividade dos países. Dada a súa relevancia, o presente traballo pretende afondar no coñecemento da dinámica dos patróns de especialización tecnolóxica no período recente. A metodoloxía utilizada pretende evidenciar se no período 1980-1994 tivo lugar un proceso de converxencia (diverxencia) nos patróns tecnolóxicos dos países desenvolvidos, o cal significaría que os países teñen pautas de especialización cada vez máis semellantes, e se simultaneamente este proceso vai acompañado dun proceso de crecente desespecialización (especialización) dentro deses países. Ámbolos dous procesos poden ter ritmos e direccións diferentes. As características do propio proceso de cambio tecnolóxico condicionan e limitan as posibilidades de homoxeneización dos patróns tecnolóxicos
Estimación de beneficios en espacios de uso recreativo na provincia de Pontevedra
(Universidade de Santiago de Compostela, 2001) González Gómez, Manuel
Este artigo presenta resultados de valoración e avaliación de distintos espacios con uso recreativo na provincia de Pontevedra. Para tres casos, o Parque Natural do Monte Aloia (MA) no Concello de Tui, o Monte Santa Tegra (MST) no Concello da Guarda e as Pozas de Mougás (PM) no Concello de Oia, calculámo-lo beneficio de uso recreativo. Para o Parque Natural das Illas Cíes (IC) estímase o valor que ten para os visitantes e para os non-visitantes a súa conservación. No Concello de Vigo obtense o valor de dous grandes parques urbanos (O Castro e Castrelos) e dos parques forestais distribuídos polas parroquias rurais. Os parques urbanos son valorados a partir da estimación da función de prezos hedónicos e os outros mediante o método de valoración continxente
A transición da Universidade ó traballo: unha aproximación empírica
(Universidade de Santiago de Compostela, 2001) González Cerdeira, Xulia; González Martínez, Xosé Manuel; Miles Touya, Daniel
Neste traballo caracterizámo-la transición dos licenciados desde a Universidade ata o mercado de traballo. En particular, estúdiase o tempo medio que os titulados tardan en atopa-lo seu primeiro emprego unha vez que finalizan os seus estudios universitarios. Para iso utilízase unha mostra de licenciados en carreiras técnicas e non-técnicas da Universidade de Vigo. Entre outros resultados atopamos que o cincuenta por cento dos licenciados consegue o seu primeiro traballo antes dos cinco meses de ter iniciado o seu proceso de busca. Ademais, constátase que as condicións do primeiro emprego son significativamente favorables para os licenciados de carreiras técnicas
Análise e evolución da aplicación en Galicia do programa de axudas á forestación de terras agrarias (règ. CEE 2080/92)
(Universidade de Santiago de Compostela, 2001) García Arias, Ana Isabel; Pérez Fra, María do Mar; Universidade de Santiago de Compostela. Departamento de Economía Aplicada
As medidas de forestación de terras agrarias teñen experimentado un interesante desenvolvemento dende que foran postas en marcha en toda a Unión pola reforma da PAC en 1992. O Estado Español ten sido un dos membros da UE no que estas medidas foron máis usadas, en especial se o comparamos co resto das medidas de acompañamento postas en marcha na mesma data. En Galicia tamén teñen tido unha grande repercusión, e foron de especial relevancia para o sector forestal como así o manifestan as actuais declaracións de empresas forestais en favor dunha maior dotación de fondos. Sen embargo, estas medidas foron pensadas para apoiar a política europea de axudas ás rendas agrarias que debía substituír á PAC clásica baseada no sostemento dos prezos. O presente traballo avalía a aplicación destas medidas en Galicia no período 1993-1999 analizando a evolución das distintas convocatorias de axudas e os datos de dita aplicación e forma parte da investigación encargada para o proxecto FAIR “Propiedade e Aproveitamento Comunal e as Súas Implicacións para o Desenvolvemento Rural en Áreas Periféricas” (FAIR6-PL98-4111)
A política de creación de clusters institucionais: o cluster do sector naval de Galicia (ACLAUNAGA)
(Universidade de Santiago de Compostela, 2001) Rodríguez Domínguez, María del Mar; Ferro Soto, Carlos A.; Vila Alonso, Mercedes
Neste traballo, realizamos unha aproximación práctica ós novos plans de política industrial para mellora-la competitividade mediante a potenciación das vantaxes do territorio, sendo o seu obxectivo a revitalización de agrupamentos sectoriais territoriais. Inicialmente, debullámo- las condicións que deben cumprir estes agrupamentos para que se poidan emprender actuacións encamiñadas á creación de clusters institucionais. Entre elas atópanse a tradición histórica na zona, a concentración xeográfica, o exceso de capacidade sobre a demanda local e a existencia dunha rede de relacións cooperativas. O sector da construcción naval en Galicia cumpre a maior parte delas; sen embargo, a ausencia de actitudes cooperativas entre os seus axentes impulsou ó Goberno galego a encarrila-las actuacións necesarias para a súa institucionalización a través da creación de ACLUNAGA (Asociación Cluster Naval Galego)
Capital público e productividade privada en España: unha panorámica
(Universidade de Santiago de Compostela, 2001) Fernández Fernández, Melchor; Polo Andrés, Clemente; Universidade de Santiago de Compostela. Departamento de Fundamentos da Análise Económica
Nos últimos anos, publicáronse varios estudios que estiman o impacto do capital público sobre a productividade privada para a economía española. As elevadas elasticidades estimadas, sobre todo ó empregar series de infraestructuras públicas, suscitan dúbidas sobre a robustez dos valores estimados e sobre a solidez das súas implicacións de política económica. Neste artigo examinamos sistematicamente os resultados obtidos e presentamos novas estimacións empregando diversas especificacións, series de capital público e métodos de estimación. Os resultados obtidos, aínda que confirman a existencia dun efecto substancial do capital público en infraestructuras, suxiren que este efecto non é tan potente como se cría e apuntan a que aínda podería ser incluso menor se se incorporasen outras variables que afectan á productividade privada
Posturas directivas ante as actuacións medioambientais nas empresas industriais
(Universidade de Santiago de Compostela, 2001) Junquera Cimadevilla, Beatriz; Brío González, Jesús Angel del
Este artigo pretende estudia-las actividades reais de xestión medioambiental emprendidas polas empresas e a súa relación coa percepción dos directivos responsables desta área acerca das vantaxes que poden obter da xestión, das dificultades que deberán afrontar para iso e da importancia das ferramentas que deben utilizar para a súa implantación. Os resultados mostran que a implantación de tecnoloxías de corrección industrial diferencia as empresas con directivos sensibles e insensibles á importancia das accións medioambientais. Por outro lado, as empresas que implantaron sistemas de xestión ambiental diferéncianse por unha mellor percepción das vantaxes, dificultades e ferramentas referidas ás actuacións no medio ambiente

Browse

Recent Submissions