Os problemas léxico-semánticos e a súa anotación no Corpus de textos galegos escritos por estudantes no ámbito académico (CORTEGAL)

Abstract

Hoxe en día a Lingüística de Corpus é unha peza fundamental da Lingüística Aplicada. É difícil concibir a lingüística actual sen os corpus. Neste senso, os corpus de aprendentes son ferramentas esenciais para comprendermos e mellorarmos a teoría da adquisición das linguas e as metodoloxías necesarias para o proceso de ensinoaprendizaxe. Neste traballo afondaremos no funcionamento dos corpus de aprendentes con anotación informatizada de erros e nas súas clasificacións dos problemas léxico-semánticos. Logo, aplicaremos as nosas pescudas sobre o Corpus de textos galegos escritos por estudantes no ámbito académico (CORTEGAL) analizando os problemas léxico-semánticos e ofrecendo unha proposta de clasificación e etiquetaxe