O xogo de construción con bloques en nenos e nenas de 2 a 3 anos: estudo descritivo da calidade de contextos, procesos e resultados

Abstract

O presente estudo céntrase no xogo de nenos e nenas de 2 a 3 anos con bloques de madeira e da resposta a tres preguntas principais: como xogan con este tipo de material; como é o benestar e a implicación durante o xogo; e como se pode axudar a enriquecelo. A investigación desenvólvese levando a cabo un estudo de casos múltiple en 4 aulas de centros diferentes. Os resultados amosan que estes nenos e nenas están funcionando nun ambiente que presenta abundantes mostras de benestar, a un nivel elevado das súas capacidades; non só pola precisión dos seus movementos, senón tamén pola complexidade das súas construcións, polo exercicio dunha simbolización temperá e pola modulación das súas relacións cos iguais.