O misterio do nome: etimoloxía e alegoría nas lendas de Troia

Abstract

A etimoloxía, definida por algún estudoso como a alegoría do nome, forma parte do patrimonio do pensamento antigo e medieval. Aplicada a onomástica literaria, pode fornecer unha ferramenta valiosísima de esculca nos temas mitográficos e literarios, así como relixiosos. Este traballo intenta unha achega á valoración dos nomes en textos do ciclo troiano, comenzando por poñer de relevo o importante papel da onomástica "parlante" homérica, e continuando co uso deste recurso nos textos galegos medievais que se enmarcan na grande tradición de Troia.