Mais alá dos estereotipos: problemática da educación artística e proposta de mellora

Abstract

A Educación Artística é unha materia que se atopa influenciada por diversos prexuízos e estereotipos presentes na sociedade actual que provocan que a maioría das persoas non valoren axeitadamente esta área e que o sistema educativo lle outorgue escaso recoñecemento no currículo educativo. O ámbito escolar en vez de constituír o principal medio de desterro de ditas problemáticas non fai máis que reproducir as mesmas debido á utilización de metodoloxías reprodutivas, como son as fichas, e a realización dos exercicios presentes nos libros de texto, actividades que se caracterizan por posuír un único resultado como válido e penalizar o erro. Ante isto, a metodoloxía de talleres semella ser unha alternativa a considerar, pois a través dunha nova forma de organizar a aula traballase mediante proxectos nos que os nenos están continuamente a realizar tarefas e son os verdadeiros protagonistas do proceso a desenvolver; aspectos que se puideron explorar na investigación presente cunha proposta de talleres levada a cabo nunha aula de primaria.