Novas tendencias na caracterización e xestión da biodiversidade

Abstract

O volume "Novas tendencias na caracterización e xestión da biodiversidade" estrutúrase en tres módulos ou bloques temáticos. O módulo Compoñentes da Biodiversidade, os relatores centráronse na flora galega ameazada, no interese de conservación da pteridoflora galega, na diversidade sílvica do subsector galaicoasturiano septentrional e as ameazas dos bosques deste territorio, nos fungos superiores como recurso natural e a importancia da súa conservación e na herpetofauna e avifauna galegas. O bloque de Análise e Valoración dos compoñentes da Biodiversidade dedicouse á exposición sobre a xestión da biodiversidade mediante bases de datos en liña e do programa libre (VegAna), sistema que se vén desenvolvendo exitosamente en Cataluña. O terceiro módulo, Xestión dos Compoñentes da Biodiversidade, foron abordados temas como a conservación das árbores senlleiras, a conservación "in situ" de flora ameazada mediante microrreservas, a xestión do Parque Nacional Marítimo Terrestre das Illas Atlánticas de Galicia, a xestión conservacionista das motogueiras galegas e a expresión territorial da biodiversidade.