Proposta persoal da organización do ambiente de aprendizaxe dunha aula do segundo ciclo de Educación Infantil

Abstract

O traballo que se presenta consiste nunha proposta de innovación baseada no deseño da organización do ambiente de aprendizaxe dunha aula do segundo ciclo de Educación Infantil e na realización dun obradoiro científico. Esta proposta levouse a cabo na aula de 5 anos do colexio Divina Pastora de Lugo, na cal realicei o meu último Prácticum. Na primeira parte, descríbense os elementos que condicionan a organización do ambiente de aprendizaxe para, posteriormente, afondar nas bases teóricas nas que se sustenta o modelo educativo no que se fundamenta o traballo, deixando claros os principios pedagóxicos e didácticos que o conforman. Na segunda parte do traballo preséntase unha proposta práctica partindo da análise do ambiente de aprendizaxe actual da aula, así como do contexto no que se sitúa o centro