Laringais e alternancia vocálica: consecuencias da súa evolución na flexión nominal grega e latina

Abstract

No presente traballo tense como obxectivo o estudo dos problemas que se dan nas formas das linguas históricas que presentan alternancias vocálicas. Neste terreo teñen un papel fundamental as laringais. Así, como primeiro apunte, as laringais permiten reducir todas as alternancias a un só tipo. Pero, a súa reconstrución non sempre é doada. Son moitos os problemas que resolveu a teoría laringal, pero da man dela chegaron, tamén, novos dilemas. O primeiro, ver que efectos causaban en cada posición nunha palabra e como actuaban ante ou sobre as laringais os demais elementos da palabra. Tamén, cal é a evolución normal en cada lingua, e que excepcións habituais se daban. No estudo destas cuestións saíron á luz múltiples irregularidades que conlevaron ó nacemento de novas leis.