Análise socioeconómica da Comarca do Carballiño

Abstract

Este capítulo estudia o sistema económico e produtivo que presentaba o conxunto da Comarca do Carballiño a principios do ano 1997, constituíndo a primeira parte do libro publicado sobre a Comarca do Carballiño e o seu Plan de Desenvolvemento Comarcal, impulsado pola Presidencia da Xunta de Galicia a través do seu Gabinete de Planificación e Desenvolvemento Territorial. Despois de comentar o grao de integración funcional da comarca, faise unha presentación xeral do encadramento territorial e dos elementos físicos máis representativos que caracterizan o conxunto xeográfico comarcal. A continuación, faise unha análise en profundidade dos recursos humanos, do sistema produtivo local e do hábitat e da calidade de vida da poboación que vive no territorio comarcal, coa finalidade de coñecer en detalle os déficits infrestructurais máis relevantes e as vantaxes comparativas propias desta comarca ourensá. De xeito xeral, os indicadores utilizados reflicten un nivel de vida relativamente alto, cunha capacidade adquisitiva que se sitúa por riba da media provincial. Isto afecta sobre todo ós concellos do Carballiño, Beariz e Maside. Ademáis, compre resaltar os avances experimentados en infraestructuras e equipamento de servizos públicos, así como na rede de comunicacións, o que lle permite contar cun alto grao de accesibilidade en todo o territorio comarcal