O papel do sector público empresarial na innovación : a experiencia española no contexto privatizador do periodo 1980-2003

Abstract

O sector público empresarial constituirá o tema central desta tese de doutoramento. Se nos fixamos nas principais empresas españolas, por volume de emprego, facturación, capitalización bursátil, gasto en I+D ou incluso presenza internacional, atopámonos que moitas delas chegaron á posición que ocupan sendo empresas públicas. Nós estamos interesados en analizar o papel xogado polo sector público empresarial na innovación en España, creando e implantando novas actividades, realizando actividades de I+D, facilitando a implantación de infraestrutura tecnolóxica, etc. Asemade, aproximarémonos ás pautas territoriais de localización das empresas públicas dos sectores tecnolóxicos avanzados.