A perspectiva da muller medieval a través das Cantigas de Santa María

Abstract

No seguinte traballo pretendemos obter unha visión da situación da muller e o papel que desempeñaba no século XIII partindo das Cantigas de Santa María. Utilizaremos un corpus representativo dun número límitado de composicións que nos axudará a establecer algunha conclusión para a análise proposta. Con esta finalidade, prestaremos máis atención a aqueles aspectos relacionados co patriarcado (moral sexual, vestimentas, estado civil, status social...), coa relixión (musulmás e xudías fronte ás cristiás) e outros ámbitos culturais. Despois de facer esta análise, observaremos o tratamento dado á muller, está mediatizado pola visión masculina, pois son homes os autores das cantigas. Tamén teremos en conta, o corpo xurídico (as Sete Partidas de 1252-1284) vixente durante o reinado de Alfonso X, xa que pode ser de relevancia neste traballo, pois é necesario mencionar que esta obra xoga un papel importante na situación das mulleres durante o período medieval.