Especies exóticas invasoras: situación e propostas de mitigación

Abstract

A prevención e control das especies exóticas invasoras debe sustentarse, como recoñece a propia Unión Europea, sobre o coñecemento científico-técnico e para iso é necesario crear e dotar as estruturas necesarias que permitan monitorar as distintas especies exóticas presentes na nosa comunidade, e especialmente as recentemente establecidas, analizando e valorando as súas regas actuacións e potenciais, establecendo protocolos e medidas para o seu control, mitigación ou erradicación, executando estas e controlando a súa eficiencia. Pero a loita eficaz contra as especies exóticas invasora esixe ademais o cumprimento doutros dous aspectos. Por unha banda, a coordinación das distintas administracións públicas, que deben responder ao unísono fronte a esta grave problemática ambiental, superando as malas prácticas que de forma recorrente viñéronse realizando tanto en relación co uso de espécimes exóticos de potencial invasor, como na creación de medios ou condicións ambientais que son aproveitados eficazmente polas neófitas. Finalmente, é necesario fortalecer e redimensionar a participación pública, implicando a distintas entidades públicas e privadas, e á sociedade en xeral, xa que sen a concienciación e apoio da sociedade galega é imposible dar unha resposta racional e eficaz a esta grave ameaza.