Representation and processing of grammatical gender: Analysing the gender congruency effect

Abstract

O obxectivo desta tese é analizar a representación e procesamento do xénero gramatical durante a produción lingüística. A investigación dispoñible ata o momento levou a multitude de resultados contraditorios, a teorías confrontadas, e a extensos debates aínda hoxe sen resolver. Entre eles, destacan a suposta obrigatoriedade dos contextos de concordancia de xénero para a recuperación do valor de xénero dun substantivo, a natureza automática ou competitiva dos mecanismos detrás da selección de xénero, e os diferentes puntos de vista sobre a ligazón entre a morfo-fonoloxía nominal e o xénero. Para dar resposta a estas cuestións, facemos unha abordaxe do concepto de xénero que integra a lingüística e a psicolingüística e analizamos o chamado "efecto de congruencia de xénero". Con este propósito, levamos a cabo unha proposta de estandarización do grao de transparencia de xénero das linguas, dúas meta-análises da literatura, cinco experimentos co paradigma de interferencia imaxe-palabra con falantes nativos de portugués europeo, e un experimento de tradución bidireccional con bilingües temperáns de portugués e alemán