As políticas culturais municipais en Galicia. Análise socioeducativa, territorial e perspectivas de transformación dende a Pedagoxía Social

Abstract

A cultura constitúe un factor esencial para o desenvolvemento e a cohesión das comunidades, especialmente no ámbito local onde se materializa a relación directa entre as institucións e a cidadanía. Esta investigación examina as políticas culturais municipais en Galicia desde a perspectiva da Pedagoxía Social, analizando a súa configuración actual, as tensións que as atravesan e as posibilidades de transformación cara a modelos máis participativos e democrático. O estudo articúlase arredor de tres obxectivos fundamentais: analizar a evolución e situación actual das políticas culturais nos concellos galegos, examinar o perfil profesional dos técnicos municipais de cultura, e explorar o potencial da animación sociocultural como estratexia de dinamización territorial.