Rosalía de Castro e Madrid. Análise literaria dos lugares na novela “El caballero de las botas azules” (1867)

Abstract

A nosa intención neste artigo é, en primeiro lugar, indicar e demostrar a sobresaliente e ininterrompida relación que existiu entre a escritora Rosalía de Castro e o ámbito editorial madrileño, durante a segunda metade do século XIX. En segundo lugar, centrámonos no domi-nio biográfico, recuperando os espazos urbanos de Madrid nos que viviu, á vez que aportamos aos estudos do rosalianismo unha descuberta acerca da súa estancia nunha pensión situada na que antano fora rúa dos Negros. Xa, en terceiro lugar, eliximos a novela El caballero de las botas azules para levar a cabo unha análise pormenorizada dos espazos que nela se nomean, por ter este texto unha inequívoca ambientación espacial na cidade madrileña.