As denominacións dos meses do ano: perspectiva lexicográfica

Abstract

O obxectivo deste traballo é ofrecer unha achega ó estudo das denominacións populares dos meses que van de xuño a decembro e apuntar algunhas ideas sobre o uso de distintos campos semánticos para nomealos. Intentaremos superar unha visión descritiva sinalando algunhas liñas de interpretación lingüística e antropolóxica que axuden a explicar a presenza de diferentes grupos motivacionais na conceptualización do ciclo anual. No plano lexicográfico analizaremos o tratamento que os dicionarios galegos deron ás distintas solucións denominativas das divisións do ano.