A formación do profesorado en educación intercultural. Avaliación e perspectivas de futuro en Galiza

Abstract

Partindo da conveniencia de aproveitar a diversidade cultural aportada pola presenza de alumnado inmigrante nas aulas -un dos retos de futuro máis importantes aos que se enfronta o sistema educativo-, o traballo céntrase na necesidade de formación do profesorado no eido da Educación Intercultural, a partir das opinións dos protagonistas: profesoras e profesores de Educación Infantil e Primaria en Galiza. O documento estrutúrase en dúas partes. Na primeira delas, preséntanse as bases teóricas que proporcionan a fundamentación estratéxica ao posterior estudo empírico, que constitúe a segunda parte. A investigación céntrase na análise dos resultados da aplicación de senllos enquéritos a cadansúa mostras de profesorado e centros educativos de Galiza.Trátase, en síntese, dun estudo dirixido a descubrir o imaxinario e calibrar o compoñente actitudinal do profesorado galego a propósito da teoría e práctica da Educación Intercultural en Galiza.