H. D. Thoreau: unha aproximación transcendentalista á estética da Natureza nos arredores de Walden

Abstract

A presente tese ten por obxectivo unha aproximación ao pensamento de Henry David Thoreau a partir dunha perspectiva apoiada na apreciación estética da Natureza. Thoreau é coñecido sobre todo polos seus escritos políticos e polo estudo da súa obra dende a disciplina filolóxica, así como por un crecente interese social cara a súa figura, en relación co pensamento ecoloxista. Porén, o noso enfoque artéllase dende o punto de vista da estética da Natureza, coa intención de relacionar o resto de aspectos do seu pensamento coa percepción e apreciación do que o autor de Concord consideraba a obra de arte máis grande. Do deleite pola natureza fenoménica, derivaremos o pensamento metafísico da Natureza, a relación coa mesma a través da poética e a construción dunha existencia acorde co núcleo salvaxe do natural.