Participación infantil e adolescente en Galiza. Unha análise socioeducativa de experiencias de acción cidadá

Abstract

Diferentes normativas e estudos científicos evidencian avances na participación infantil e adolescente, aínda que persisten baleiros sobre como se concreta este exercicio na práctica. A través dun deseño de métodos mixtos analízanse experiencias de acción cidadá na Galiza. Os resultados mostran o predominio de escenarios institucionais (municipais e escolares), mentres que os autoxestionados e dixitais son exiguos. Factores como redes de participación infantil e adolescente, estruturas estábeis, vontade política e acompañamento profesional convértense en facilitadores. Porén, emanan obstáculos vencellados ás actitudes adultocéntricas, falta de formación e dispersión da poboación no rural. Propóñense estratéxicas socioeducativas e unha “Cultura 7Co” para consolidar unha participación xenuína e significativa.